22. Skautaþing ÍSS – fundarboð

Í samræmi við 6. grein laga ÍSS, er hér með boðað til 22. Skautaþings ÍSS. Skautaþingið verður haldið laugardaginn 1. maí í íþróttamiðstöðinni í Laugardal að Engjavegi 6, 104 Reykjavík.

Tillögur sem óskast teknar fyrir á Skautaþingi, skulu hafa borist stjórn ÍSS minnst þremur vikum fyrir Skautaþing, þ.e. 10. apríl nk.

Tilkynningar um framboð til stjórnar og varastjórnar ÍSS skulu berast kjörnefnd Skautaþings, kjornefnd@iceskate.is, eigi síðar en þremur vikum fyrir Skautaþing, þ.e. 10. apríl nk.

Eigi síðar en tveimur vikum fyrir Skautaþing, þ.e. 17. apríl nk., skal ÍSS senda aðilum dagskrá þingsins og tillögur sem borist hafa ásamt þeim tillögum sem ÍSS hyggst leggja fyrir þingið.

Athugið að dagsetningin er gefin út með fyrirvara um að samkomutakmörkunum hefur verið aflétt að einhverju leiti. Ef til frestunar kemur verður það tilkynnt eins fljótt og auðið er.