21. Skautaþing ÍSS – fundarboð

Hér með er boðað til 21. Skautaþings ÍSS. Skautaþingið verður haldið sunnudaginn 13. september í húsnæði ÍSÍ við Engjaveg 6, Salur E.

Í ljósi aðstæðna er boðað til þings með styttri fyrirvara en venja er. Stjórn ákvað að best væri að halda þingið sem fyrst og fara þá leið að boða með styttri fyrirvara.

Tillögur sem óskast teknar fyrir á Skautaþingi, skulu hafa borist Stjórn ÍSS í síðasta lagi föstudaginn 28. ágúst nk..

Tilkynningar um framboð til formanns, stjórnar og varastjórnar, sem ekki hafa verið send áður, skulu berast kjörnefnd Skautaþings eigi síðar en föstudaginn 28. ágúst nk..

Tveimur vikum fyrir Skautaþing, þ.e. 30. ágúst nk., skal ÍSS senda aðilum dagskrá þingsins og tillögur sem borist hafa ásamt þeim tillögum sem ÍSS hyggst leggja fyrir þingið.