Skautasamband Íslands tilnefnir Kristínu Valdísi Örnólfsdóttur sem skautakonu ársins 2017.
Kristín Valdís æfir með Skautafélagi Reykjavíkur og er þetta í fyrsta sinn sem hún hlýtur nafnbótina Skautakona ársins. Þjálfari Kristínar er Guillaume Kermen.
Kristín Valdís hefur náð viðmiðum inn í úrvalshóp ÍSS í Junior flokki og keppti í þeim keppnisflokk á árinu.
Meðaltal af heildarskori Kristínar Valdísar á árinu er 91.43 stig. Hæsta skor ársins 94.72 stig á Vetrarmóti ÍSS.
Kristín Valdís hefur verið virkur keppandi bæði innanlands og utan á árinu. Hún keppti í Junior flokki á Norðurlandamóti 2017 og hafnaði þar í 18. sæti með 78.16 stig . Hún keppti fyrir hönd Íslands á ISU Junior Grand Prix Riga Cup 2017 og hafnaði þar í 27. Sæti með 90.49 stig og er samanlögð heildareinkunn nú stigamet íslensk skautara á JGP frá upphafi sem trompar met sem staðið hafði frá árinu 2012. Kristin Valdís keppti einnig á Volvo Cup Open 2017 í junior flokki og hafnaði þar í 19. sæti með 93.91 stig, efst íslensku skautaranna sem kepptu í þeim flokki. Á íslenskum mótum hafnaði hún í 11. sæti á RIG 2017 með 85 stig, 1.sæti á Vetrarmóti 2017 með 94.72 stig, 1. sæti á Haustmóti 2017 og í 2. sæti á Bikarmóti ÍSS 2017 en einnig var hún í 2. sæti á Íslandsmóti 2017 í junior flokki með 92.17 stig.
Kristín Valdís hefur sýnt og sannað á sínum skautaferli að hún er kappsfull og metnaðarfull íþróttakona sem leggur sig mikið fram í sinni íþrótt og er öðrum iðkendum góð fyrirmynd bæði í framkomu og viðhorfi til íþróttarinnar. Hún er því vel að þessum titli komin.
Skautasamband Íslands óskar henni til hamingju með titilinn.